خائنى اولارق قورشونه ديزديرهجك جُرملردن گنجلريمزى قورويان رسالۀِ نور اوغرنده قورشونله ئولديريلهجكسهم، او قورشونلره چكينمهدن گوگسمى گرهجگم. استادم بديع الزمان ايچون حنچرلرله پارچهلانيرسهم أطرافه صيچرايهجق قانلريمڭ «رسالۀِ نور! رسالۀِ نور!» يازماسنى ربّمدن نياز ايدييورم.
محترم هيئتِ حاكمه!
رسالۀِ نور تحصيلى، حقيقةً خارقه و اوريژينالدر، أمثالسزدر. هر هانگى بر تحصيلده مادّى منفعت و بر موقع غايه ايدينيلهرك او تحصيله دوام ايديلير. درسلر أكثريتله مادّيات و شهرته اريشهبيلمك ايچون، بلكه ده زوراكى اوقونور. رسالۀِ نورڭ اورغانيزه ايديلمهمش سربست بر اونورسيتهيه بڭزهين تحصيلنه أثرلرى اوقومق صورتيله دوام ايدنلر ايسه، قرآن و ايمانه خدمت ايتمكدن باشقه هر هانگى دنيوى بر مقصد طاشيمييورلر.
بويله اولديغى حالده علمى، ايمانى و جدّى أثرلر اولان رسالۀِ نور، او قدر بيوك بر شوق و عشقله و او قدر صوڭسز بر حظله اوقونويور كه؛ صادق اوقويوجيلرينى دفعهلرجه اوقومق گبى قوّتلى بر آرزويه صاحب ايدييور. رسالۀِ نورى يازوب اوقويانلر، محكمه قپولرنده حياتلرى تهلكهيه دوشديگى حالده، بو خارقه أثرلرى اوقودقلرينى إعتراف و اوقويهجقلرينى إعلان ايدييورلر. إعدام قرارى ويريلهجگنى بيلسهلر دخى، بو ثباتلرينى إظهار ايتمكدن چكينمييورلر. ايشته رسالۀِ نورڭ بر چوق خارقهلرندن شو خصوصيتى، سزلره شو قناعتى ويرييور: إعتراف ايدنلر عجبا جانلرينى يولده مى بولديلر؟
ديمك رسالۀِ نورده و بديع الزمانده اويله يوكسك بر حقيقت وار كه و بونلرده ضررلى بر شى يوقمش كه، إنكار ايتمديلر.