ايتديرهجك حقيقى بر دينپرور اولارق بزلرى يتيشديرن رسالۀِ نور أثرلرينى اوقويورز و اوقويهجغز.
أوّلجه ده عرض ايتديگم وجهله، رسالۀِ نوردن پك آز اوقوديغم حالده، پك فضله إستفاده ايتدم. وطن و ملّت و بتون إنسانلقجه غايت عظيم فائدهلرى تأمين ايدهجك اولان بو چوق نافع أثر كلّياتنى أگر ثروتم اولسه ايدى نشر ايتديرمك ايچون هپسنى صرف ايدردم. زيرا دينمڭ، وطن و ملّتمڭ أبدى سعادت و سلامتى اوغرنده بتون موجوديتمى فدا ايتمگه حاضرم.
هم رسالۀِ نوره صافدلانه اينانمامشم. اوتوز اوچ آياتِ قرآنيه و حضرتِ على (رض) و عبد القادرِ گيلانى (رض) حضرتلرى، رسالۀِ نورڭ تأليف ايديلوب بو عصردهكى إنسانلرى إرشاد ايدهجگنى غيبى بر صورتده بيلديرييورلر. بونڭله برابر، رسالۀِ نوردن اوقوديغم كتابلر، بو أثر كلّياتنڭ حق و حقيقتى اوگرتن و بشريتى إصلاح ايدن أثرلر اولديغى قناعتنى ويرمشدر.
روحمده بيوك بر بوشلق حسّ ايدهرك، اوقويهجق كتاب آراركن، رسالۀِ نورى اوقوديغم زمان أليمده اولميهرق اوندن آيريلامدم. قلبمدهكى او بيوك إحتياجى رسالۀِ نور أثرلرينڭ قارشيلاديغنى حسّ ايتدم. علمى و ايمانى شبههلردن قورتاران عقلى و ايمانى إثباتلرى اونده بولدم. بويلهلكله وسوسهلرڭ ويرديگى صيقنتيلردن قورتولدم. بو حقيقتلردن آڭلادم كه: رسالۀِ نور بو عصرڭ إنسانلرى اولان بزلر ايچون يازديريلمشدر.
أخلاق، أدب و تربيه گبى أڭ يوكسك مزيتلره صاحب اولابيلمك ايچون، قوّتلى بر ايمانه صاحب اولمق لازمدر. ايمان حقيقتلرى، رسالۀِ نورده غايت قوّتلى دليللر و آچيق مثاللر ايله آڭلاتيلديغى ايچون، اوقودقجه ايمانم قوّتلنمشدر. بو