ايله گلن هر بر جزايى ممنونيتله قبول ايتدكلرينى و حقيقتِ حالى اولديغى گبى محكمۀِ عادلهڭزه إعتراف ايدييورلر. حيله ايله، دالقاووقلق ايله، يالانلرله كنديلرينى مدافعه ايتمگه تنزّل ايتمييورلر.
موقوف
سعيد النورسى
* * *
(خسروڭ مدافعهسيدر)آفيون آغير جزا محكمهسنه
مقامِ إدّعا إدّعانامهسنده برى كلّى، ديگرى خصوصى اولارق ايكى جهتله بنى إتهام ايدييورلر. كلّى إتهامى، رسالۀِ نوره خدمتم و استاديمڭ موهوم صوچنه إشتراكمدر.
خصوصى إتهام ايسه: غايت جزئى و أهمّيتسز و حقيقتده هيچ بر صوچ تشكيل ايتمهين إنزوا ايله گچن حياتمه و خصوصاتِ شخصيهمه عائد حاللردر. إدّعا مقامنڭ رسالۀِ نوره خدمتمدن طولايى استاديمڭ موهوم صوچنه بنى إشتراك ايتديرمسنه مقابل ديرم كه:
بن استاديمڭ گيتديگى مسلكده و رسالۀِ نورله عالمِ إسلامه خصوصًا بو وطنه و بو ملّته ايتديگى قدسى خدمتنده كنديسنه إسناد ايديلن موهوم صوچنه روح و جانمله إشتراك ايدييورم. و بنى بو خدمتِ ايمانيهده موفّق ايدن جنابِ حقّه آخر عمريمه قدر شكر ايدهجگم.