داها بونلر گبى خسارات و ضايعات اولمش. فقط زلزله هر گون اولمق صورتيله بر مدّت دوام ايتمش. طوسيهده بيڭ بش يوز أو خراب اولمش، ئولو و يارهلى مقدارى چوق فضله ايمش. قارغى، عثمانجق تمامًا، لاديك و سائر محللرده ضايعات فضله مقدارده ايمش. اينهبوليده بر منارهنڭ عَلَمى أگريلمش، اوفاق تفك چاتلاقلقلر اولمش، خسارات و ضايعات اولمامش.»
أوت أوت أوت أوت
قسطمونيدن قسطمونيدن قسطمونيدن اينهبوليدن
محمد فيض صادق أمين أحمد نظيف
اوچنجى اولان بو حركتِ أرضدن صوڭره، ينه رسالۀِ النوره و طلبهلرينه و مؤلّفنه هجوم ايدن أهلِ غرضڭ سوزينى ديڭلهين عدليه، عين طرزده بزى صيقمقده دوام ايدييوردى. زندقه طرفدارلرى، مبارك استاديمزڭ إخبارى اولان و رسالۀِ النورڭ بيوك كرامتلرندن اولوب زلزله ايله گلن بليّهلره أهمّيت ويرمك ايستهمييورلردى. رسالۀِ النورڭ إلٰهى و قرآنى حقيقتلرينه قارشى جبهه آلان بو زمرۀِ منافقينڭ باشنه بر دردنجى طوقات داها گلدى.
غريبى شو كه، بز شباطڭ اوچنجى گونى محكمهيه چاغريلمشدق. إضطراب و ألملرى ايچنده يوركلريمزى آغلاتان خستهلقلى حاليله كنديسندن صوريلان سؤاللره جواب ويرمك ايچون آلتمش بش قدر طلبهسنڭ اوڭنده آياغه قالقان او مبارك استاديمزڭ جوابلرى آراسنده «او زنديقلرڭ دنيالرى باشلرينى يسين و ييهجك!» كلمهلرى، تكرار تكرار هيئتِ حاكمهنڭ يوزلرينه قارشى آغزندن دوكولويوردى. بر قاچ دفعه ده محكمهيه گيدوب گلدكدن صوڭره، ٧ شباط ٩٤٤ تاريخلى إستانبولده منتشر «همشهرى» إسمنده بر غزته أليمه گچدى. غزته