بر جذبۀِ «يا حىّ!» ايله سيللر گبى آقدى
أعدايه واروب هر برى شمشك گبى چاقدى
بونلردى او گون حلقۀِ توحيدى قورانلر
بونلردى او گون بالطهلايوب كفرى قيرانلر
بونلردى مبارك يوجه جمعيتِ شورى
بونلردى او نوردن ديزيلن حلقۀِ كبرى
بونلردى آلان سوريه، عراق، ئولكۀِ كسرا
بونلرله ضيادار او قراڭلق قوجه صحرا
بونلردى ويرن خسته، عليل گوزلره بر فر
بونلردى او تاريخه گچن شانلى غَضَنْفَرْ
هر هپسى ده بر ذرّۀِ نورى او حبيبڭ
هر آن گورونور گوزلره اوندن نيجه يوز بيڭ
نور آلتنه گيرمش بولونان درلو جماعت
هم بولدى بقا، هم ده بتون گوردى عدالت
درحال آچيلوب گوك يوزى هم پارلادى اول نوردن گلن رسالۀِ النور
خلّاقِ رحيم أيلدى مخلوقنى مسرور
ظلمت طاغيلوب باشلادى بر يَپْيڭى گوندوز
بر نشئه طويوب صوصدى برآز آغلايان او گوز