لطيف بر توافقه إشارت ايدن بر فقرهدر
اوتوز آلتى ياپراقدن عبارت و إمامِ علىنڭ فوق العاده تقديرينه مظهر اولان اوتوز ايكنجى سوزڭ كندى كندينه گلن بش بيڭ يدى يوز اون بش (٥٧١٥) توافقى، رسالة النورڭ بو حواليدهكى غايت مهمّ بر طلبهسى اولان أحمد نظيفڭ نسخهسنده چيقمشدر. ديمك او رسالهنڭ خطِّ حقيقيسنه راست گلمش كه، بو خارقه كرامتى گوسترمشلر.
هم ايكى خسروى رسالۀِ نور دائرهسنه و بكر صدقىيه كرامتنى گوستروب ايمانه گتيرن و طلسمِ كائناتڭ اوچده بريسنى حلّ ايدن، اون بش ياپراقدن عبارت اولان اوتوزنجى سوز ينه قهرمان نظيفڭ نسخهسنده تكلّفسز اوچ بيڭ سكز يوز اوتوز بش (٣٨٣٥) توافقى؛ بز گوزيمزله بو كرامتِ توافقيۀِ نوريهيى گوردك. (حاشيه)
خليل، حلمى، صلاح الدين، أمين، فيضى، سعيد النورسى
* * *
حافظ مصطفىنڭ بر فقرهسيدر
عزيز استادم!
او جريانڭ هجومى آننده كويمزده ناحيه مديرى و داها ظاهرًا مهمّ مأمورلر بولونديغى حالده، شفاهًا إسملريمزله إخبار ايدوب تحرّى ايتديرمك ايستدكلرى حالده، حضرتِ أسد اللّٰه على كرم اللهُ وَجْهَهُ و غوثِ أعظم گبى چوق معنوى استادلريمزڭ معنوى
___
(حاشيه): بو رسالهده ألفلرڭ مجموعى يوز قرق درت (١٤٤) چيقمش؛ تام تامنه «سعيد» اولوب مؤلّفنڭ إمضاسنى گوسترييور.