و مادام (يَٓا اَيُّهَا الَّذٖينَ اٰمَنُوا) گبى خطابلرده هر عصر گبى، بو عصردهكى أهلِ ايمان، عصرِ سعادتدهكى مؤمنلر گبى داخلدر.
و مادام إسلاميت نقطهسنده بو عصر، غايت أهمّيتلى و دهشتليدر. و قرآن و حديث إخبارِ غيبى ايله، أهلِ ايمانى اونڭ فتنهسندن صاقينمق ايچون شدّتلى خبر ويرمش.
و مادام حسابِ جفرى و أبجدى و رياضى، أسكيدن بَرى صاغلام بر دستوردر و قوّتلى بر أماره اولابيلير.
و مادام رسالۀِ نور و ترجمانى و شاكردلرى، ايمان و قرآن خدمتنده پارلاق و تأثيرلى وظيفهلرى غايت أهمّيت كسب ايتمشدر.
و مادام بو بيوك آيت، حسابِ جفرله بو عصرده و ايكى حربِ عمومىيه باقار. أسكى حربڭ پاطلاماسنه و رسالۀِ نورڭ ظهورينه توافق ايتديگنى، معنًا ده گوسترر. ألبته مذكور حقيقتلره و قوّتلى قرينهلره بناءً بِلا تردّد حكم ايدرز كه: رسالۀِ نورڭ شخصِ معنويسى و ترجمانى، بو آيتِ عظيمهنڭ معناىِ إشارى طبقهسنڭ كلّيتنده داخل و مدارِ نظر بر فرديدر. و بو آيت اوڭا إشارت ايدر. و معناىِ رمزيله اوندن خبر ويرر. و إخبارِ غيب نوعندن بر لمعۀِ إعجازيهيى گوسترر، دينيلهبيلير.
تحليل: بر (ش) ايكى (ر) يدى يوز. (ف م ن ل) ايكى يوز. (ص د ه ا) يوز. (س م) يوز. إسمِ جلال (اللّٰه) آلتمش يدى. ايكى (ل) آلتمش. (فَهُوَ) طقسان بر. (لِلْاِسْلَامِ) دهكى ايكى ويا اوچ (ألف)، ايكى ويا اوچ. (ح) سكز. (نُورٍ مِنْ رَبِّهٖ) ، «رسالۀِ نور» هر ايكيسنده (نُور) وار. «رساله» ده