ربّانيهيه آيينهدارلق ايدن بر آيينۀِ صمديتدر. ايشته بو سردندر كه: حىِّ قيّوم اولان ذاتِ واجب الوجود، حياتى پك چوق كثرتله و مبذوليتله خلق ايدوب، نشر و تشهير ايدر. و هر شيئى حياتڭ أطرافنه طوپلاتديروب، اوڭا خدمتكار ايدر. چونكه حياتڭ وظيفهسى بيوكدر. أوت صمديتڭ آيينهسى اولمق قولاى بر شى دگل، عادى بر وظيفه دگل.
ايشته گوز اوڭنده هر وقت گورديگمز بو حدّ و حسابه گلمه ين يڭى يڭى حياتلر و حياتلرڭ أصللرى و ذاتلرى اولان روحلر، بردن و هيچدن وجوده گلمهلرى و گوندرلمهلرى، بر ذاتِ واجب الوجود و حىِّ قيّومڭ وجوبِ وجودينى و صفاتِ قدسيهسنى و أسماءِ حسنىسنى؛ لمعاتڭ گونشى گوسترديگى گبى گوسترييورلر. گونشى طانيميان و قبول ايتمه ين آدم، ناصل گوندوزى طولديران ضيايى إنكار ايتمگه مجبور اولويور. اويله ده: حىِّ قيّوم، محيى و مميت اولان شمسِ