يگرمى آلتنجى پنجره (حاشيه)
شو كائناتڭ موجوداتى يوزنده تازهلهنن و گلوب گچن جماللر و حُسنلر؛ بر جمالِ سرمدى جلوهلرينڭ بر نوع گولگهلرى اولديغنى گوسترر. أوت، ايرماغڭ يوزندهكى قبارجقلرڭ پارلايوب گيتمهسندن صوڭره آرقهدن گلنلرڭ گيدنلر گبى پارلامالرى، دائمى بر شمسڭ شعاعلرينڭ آيينهلرى اولدقلرينى گوستردكلرى گبى؛ سيّال زمان ايرماغنده، سيّار موجوداتڭ اوستنده پارلايان لمعاتِ جماليه دخى، بر جمالِ سرمدىيه إشارت ايدرلر و اونڭ بر نوع أمارهلريدرلر. هم كائنات قلبندهكى جدّى عشق، بر معشوقِ لا يزالى يى گوسترر.
___
(حاشيه): شو پنجره عمومى دگل، أهلِ قلب و أهلِ محبّته خصوصيتى وار.