چوق قاريشق اولديغى حالده هيچ شاشيرميهرق بر صورتده سنبللنمهلرينى و وجودلرينى تمييز و تفريق ايتمك و آغاجلره گيرن قاريشق مادّهلرى ياپراق و چيچك و ميوهلره تفريق ايتمك و حجيراتِ بدنه قاريشق بر صورتده گيدن غدائى مادّهلرى كمالِ حكمتله و كمالِ ميزانله آييروب تفريق ايتمك، ينه او حكيمِ مطلق و او عليمِ مطلق و او قديرِ مطلقڭ وجوبِ وجودينى و كمالِ قدرتنى و وحدتنى گوسترديگى گبى؛ ذرّهلر عالمنى حدسز و گنيش بر تارلا حكمنه گتيروب، هر دقيقهده كمالِ حكمتله أكوب بيچوب، يڭى يڭى كائناتلر محصولاتنى اوندن آلمق و او جامده، عاجزه، جاهله اولان ذرّاته غايت شعوركارانه و غايت حكيمانه و مقتدرانه حدسز منتظم وظيفهلرى گورديرمك، ينه او قديرِ ذو الجلالڭ و او صانعِ ذو الكمالڭ وجوبِ وجودينى و كمالِ قدرتنى و عظمتِ ربوبيتنى و وحدتنى و كمالِ ربوبيتنى گوسترر.