حكمتله تجهيز ايديلديگى جهتله، او يوز غايت پارلاق بر سكّۀِ أحديت اولديغنى إثبات ايدر. هر بر يوز، يوزر جهتله بر صانعِ حكيمڭ وجودينه شهادت و وحدتنه إشارت ايتدكلرى گبى، بتون يوزلرڭ هيئتِ مجموعهسيله إظهار ايتدكلرى او سكّه، بتون أشيانڭ خالقنه مخصوص بر خاتم اولديغنى عقل گوزينه گوسترر.
أى منكِر! هيچ بر جهتله قابلِ تقليد اولميان شو سكّهلرى و مجموعندهكى پارلاق سكّۀِ صمديتى هانگى تزگاهه حواله ايدهبيليرسڭ؟...
اوچنجى پنجره
زمينڭ يوزنده درت يوز بيڭ مختلف طائفهدن (حاشيه) عبارت اولان بتون حيوانات و نباتات أنواعنڭ
___
(حاشيه): حتّى او طائفهلردن بر قسم وار كه؛ بر سنهدهكى أفرادى، زمانِ آدمدن قيامته قدر وجوده گلن بتون إنسان أفرادندن زيادهدر.