عددنجه إمكانات نقطهسندن ده واجب الوجودڭ وجودينه قارشى شهادتلر گلييور.
ايشته أى غافل! كائناتى طولديران بو شهادتلرى، بو صدالرى ايشيتمهمك.. نه درجه صاغير و عقلسز اولمق لازم گلييور؟ هايدى سن سويله...
اوتوز برنجى پنجره
﴿لَقَدْ خَلَقْنَا الْاِنْسَانَ فٖٓى اَحْسَنِ تَقْوٖيمٍ ۞ وَفِى الْاَرْضِ اٰيَاتٌ لِلْمُوقِنٖينَ ۞
وَفٖٓى اَنْفُسِكُمْ اَفَلَا تُبْصِرُونَ ۞﴾
شو پنجره إنسان پنجرهسيدر و أنفسيدر. و أنفسى جهتنده شو پنجرهنڭ تفصيلاتنى بيڭلر محقّقينِ أوليانڭ مفصّل كتابلرينه حواله ايدهرك يالڭز فيضِ قرآندن آلديغمز بر قاچ أساسه إشارت ايدرز. شويله كه: