تسبيحدر كه، يگرمى دردنجى سوزده قطعى إثبات ايديلديگى گبى، او بتون ديللر ايله پك ظاهر بر صورتده تسبيحاتلرى و تحيّاتلرى و بر تك مقدّس ذاته شهادتلرى، ضيا گونشى گوسترديگى گبى بر ذاتِ واجب الوجودى گوسترر و كمالِ الوهيتنه دلالت ايدر.
اون دردنجى پنجره
﴿قُلْ مَنْ بِيَدِهٖ مَلَكُوتُ كُلِّ شَىْءٍ ۞ وَاِنْ مِنْ شَىْءٍ اِلَّا عِنْدَنَا خَزَٓائِنُهُ ۞
مَا مِنْ دَٓابَّةٍ اِلَّا هُوَ اٰخِذٌ بِنَاصِيَتِهَا ۞ اِنَّ رَبّٖى عَلٰى كُلِّ شَىْءٍ حَفٖيظٌ﴾
سرلرنجه: هر شى هر شيئنده و هر شأننده تك بر خالقِ ذو الجلاله محتاجدر. أوت كائناتدهكى موجوداته باقييورز و گورويورز كه: ضعفِ مطلق ايچنده بر قوّتِ مطلقه تظاهراتى وار. و عجزِ مطلق ايچنده بر قدرتِ مطلقهنڭ