أوت شو موجودات آيينهلردر. فقط ظلمت نوره آيينه اولديغى گبى، هم قراڭلق نه درجه شدّتلى ايسه او درجه نورڭ پارلاماسنى گوسترديگى گبى، چوق جهتلرله ضدّيت نقطهسنده آيينهدارلق ايدرلر. مثلا: ناصلكه موجودات عجزيله قدرتِ صانعه آيينهدارلق ايدر، فقريله غناسنه آيينهدار اولور. اويله ده، فناسيله بقاسنه آيينهدارلق ايدر. أوت زمينڭ يوزى و يوزندهكى أشجارڭ قيشدهكى وضعيتِ فقيرانهلرى و بهارده شعشعهپاش اولان ثروت و غنالرى غايت قطعى بر صورتده، بر قديرِ مطلق و غنىِّ على الإطلاقڭ قدرت و رحمتنه آيينهدارلق ايدر. أوت بتون موجودات، گويا لسانِ حال ايله، اُوَيس القرانى گبى شويله مناجات ايدرلر؛ ديرلر كه:
«يا إلٰهنا! ربّمز سنسڭ! چونكه بز عبدز. نفسمزڭ تربيهسندن عاجزز. ديمك بزى تربيه ايدن سنسڭ!.. هم سنسڭ خالق! چونكه بز مخلوقز، ياپيلييورز. هم رزّاق