إعتذار
أى شو طار و اينجه و قراڭلق اولان يولده بنم ايله آرقداشلق ايدن صبرلى و متانتلى ذات! ظن ايدييورم بو ايكنجى مقالهده يالڭز حيرتله سيرجى اولدڭ، مستمع اولمادڭ. چونكه آڭلامدڭ. حقّڭز وار. زيرا مسائل غايت درين و عِرْقلرى اوزون و عباره ايسه غايت مختصر و مغلق و توركجهم ده أپيجه نقصان و مشوّش و وقتم دخى طار.. بن ده عجله.. صحّتم مختل.. باشم نزلهليدر. شو قاريشق زمينده آنجق شويله بر وَرَقْ پَاره چيقهبيلير. (وَالْعُذْرُ عِنْدَ كِرَامِ النَّاسِ مَقْبُولٌ)
أى برادر! «عنصرِ حقيقت»ى كبرا گبى و «عنصرِ بلاغت»ى صُغرا گبى مزج ايت. ألكتريق شعاعى گبى اولان حدسِ صادقى گچير. تا غايت حرارتلى و پارلاق ضيالى اولان «عنصرِ عقيده» يى نتيجه ويرمك ايچون سنڭ ذهنڭه إستعدادات ويرهبيلسين.