معاونت ايتمك ايچون إستعاره ايتمش، إستخدام ايدييور. صانكه او مجموعِ مقاصدده هر بر مقصد، تصاويرِ متداخلهدن مشترك فيه بر جزءدر. ناصل متداخل تصويرلرده سياه بر نقطه يى بر رسّام قويسه؛ او نقطه برينڭ گوزى، اوتهكيسنڭ يوزينڭ خالى، بريكيسنڭ بروننڭ دليگى، باشقهسنڭ آغزى اولديغى گبى كلامِ عاليده دخى اويله نقطهلر واردر.
ايكنجى نقطه: قياسِ مركّب و متشعّب سرّيله مطالب تناسل ايدوب تسلسل ايتمكدر. گويا متكلّم او مطالبڭ بقاء و تناسلنڭ بر تاريخِ طبيعيسنه إشارت ايدر. مثلا: عالم گوزلدر. ديمك صانعى، حكيمدر. عبث ياراتماز، إسراف ايتمز، إستعداداتى مهمل بيراقماز. ديمك إنتظامى دائما تكميل ايدهجك. جگرشكاف و تحمّلسوز و أمل ئولديريجى، بتون كمالاتى زير و زبر ايدن هجرانِ أبدى اولان عدمى، إنسانه مسلّط ايتمز. ديمك سعادتِ أبديه اولاجقدر. اوچنجى مقالهنڭ