ايچنه آلديغندن (فِى) لفظنى ايستر. (تَجْرٖى فِى الْبَحْرِ) گبى. هم ده بر شى آلَت اولديغندن (بَاء) لفظنى ايستر. (صَعَدْتُ السَّطْحَ بِالسُّلَّمِ) گبى. و مكان و مركب اولديغندن (فِى) و (عَلٰى) لفظلرينى دخى ايستر. هم ده غايه اولديغندن (اِلٰى) و (حَتّٰى) لفظلرينى ايستر. علّت و ظرف اولديغندن (لَامْ) و (فِى) لفظلرينى دخى ايستر. (وَالشَّمْسُ تَجْرٖى لِمُسْتَقَرٍّ) گبى. ايشته سَرْمَشْق؛ سن ده قياس ايدهبيليرسهڭ ايت!..
تنبيه: بو متداخل معنالرڭ هانگيسى داها زياده سنڭ غرضڭه تماس ايدر و مقصده صلۀِ رحم واردر، ايلرىيه سور و إظهار ايت. باقيلرى اوڭا تشييع ايديجى ياپدير. يوقسه سنڭ طرزِ إفادهڭ حشمت و زينتِ بيانيهدن چيپلاق اولاجقدر.