وجدانلرندهكى جهنّم تعذيب ايدر. اويله ده محاسننه إشارت و إستغناسنه رمز و تألّمِ فراقه ايماء و شوقه تصريح و طلبِ وصاله تلويح و ترحّمنى جلب ايدن حُسننه تنصيص ايتمكله برابر، حسّياتنى تحريك ايدن هيئتِ أطواريله چوق خيالاتِ رقيقه يى گوسترمشلردر.
إشارت: ناصل بر حكومتڭ إنتظامنده، هر مأموره إستعدادى نسبتنده، وظيفه درجهسنده، خدمت مقدارنجه اجرت ويرمك لازمدر. اويله ده، بويله مراتبِ متفاوتهدن إختلاط ايدن معنالر ايسه، غرضِ كلّى اولان مسوق لَهُ الْكلامڭ مركزينه قربيت نسبتنده و مقصوده خدمت درجهسنده هر برينه عنايت و إهتمامده حصّه و نصيبلرينى تقسيمِ عادل ايله تفريق ايتمك گركدر. تا كه، او معادلتله إنتظام و او إنتظامدن تناسب و او تناسبدن حسنِ وفاق و او حسنِ وفاقدن حسنِ معاشرت و او حسنِ معاشرتدن كلامڭ كمالنه بر ميزان التعديل چيقهبيلسين. يوقسه وظيفهسى خدمتكارلق و طبيعتى چوجقلق اولانلر، بيوك رتبهيه گيرمكله تكبّر ايدر. تكبّر