الْوَاضِحُ عَلٰى وُجُودِ الْاِلٰهِ الَّذٖى تَدْعُونَنَا اِلَيْهِ) يه قارشى ديرم: ايشته محمّد عليه الصلاة والسلام...
إشارت و إرشاد و تنبيه: وقتا كائنات طرفندن، حكومتِ خلقت جانبندن مستنطق و سائل صفتيله گوندريلن فنِّ حكمت، إستقباله توجّه ايدن نوعِ بشرڭ طليعهلرينه راست گلمش؛ بردن فنِّ حكمت شويله بر طاقم سؤاللرى ايراد ايتمش كه: «أى إنسان أولادلرى! نرهدن گلييورسڭز؟ كيمڭ أمريله؟ نه ايدهجكسڭز؟ نرهيه گيدهجكسڭز؟ مبدأڭز نرهدن؟ و منتهاڭز نره يهدر؟» او وقت نوعِ بشرڭ خطيب و مرشد و رئيسى اولان محمّد عليه الصلاة والسلام آياغه قالقهرق، حكومتِ خلقت جانبندن گلن فنِّ حكمته شويله جواب ويرمشدر كه: «أى مستنطق أفندى! بز معاشرِ موجودات، سلطانِ أزلڭ أمريله، قدرتِ إلٰهيهنڭ دائرهسندن مأموريت صفتيله گلمشز. شو حلّۀِ وجودى