ويرهجكلر كه: بز كلامِ أزليدن گلمشز. نوعِ بشرڭ سلامتى ايچون أبدڭ يولنده رفاقت ايچون أبده گيدهجگز. شو دنياىِ فانيه يى كسدكدن صوڭره، بزم صورى اولان إرتباطمز كسيليرسه ده؛ دائما معنوياتمز بشرڭ رهبرى و غداىِ روحانيسيدر.
خاتمهشبهات و شكوكڭ اوچ منبعلرى واردر. شويله: أگر مقصودِ شارعدن و أفكارڭ إستعدادلرى نسبتنده اولان إرشاددن تجاهل ايدوب، بتون أوهامِ سيّئهنڭ يوواسى حكمنده اولان شويله بر مغلطه ايله إعتراض ايدرسهڭ كه، شريعتڭ باشى اولان قرآنده اوچ نقطه واردر:
برنجيسى: قرآنڭ مابِهِ الإمتيازى و وضوحِ إفاده اوزرينه مؤسّس اولان بلاغته منافيدر كه، وجودِ متشابهات و مشكلاتدر.