حيله يى طيشارىيه آتمقده اولان حرارتِ غريزيهنڭ شدّتِ إلتهابى زماننده، كمالِ إستقامتله و كمالِ متانتله و تمامِ إطّرادِ أحوال ايله و مساوات و موازنتِ أطوار ايله و نهايتِ عفّت ايله و هيچ بر حالى مستوريتى محافظه ايتمهين (لاسيّما اويله أهلِ عناده قارشى) بر حيله يى ايما ايتمهمكله برابر ياشاديغى نظره آلينيرسه، صوڭره إستمرارِ أخلاقنڭ زمانى اولان قرق سنهدن صوڭره او إنقلابِ عظيم نظره آلينيرسه؛ حقدن گلديگنى و حقيقت اولديغنى تصديق ايتمزسه، نفسنه لوم ايتسين... زيرا ذهننده بر سوفسطائى گيزلنمش اولاجقدر. هم ده أڭ خطرلى مقاملرده (غارده گبى) طريقِ خلاصى مفقود ايكن و خيط الأمل بحسب العاده كسيليركن، غايت متانت و كمالِ وثوق و نهايت إطمئنان ايله اولان حركت و حال و طورى، نبوّت و جدّيتنه شاهدِ كافيدر و حق ايله تمسّك ايتديگنه دليلدر.