ايكنجى مقصد
مقدّمه
أگر ديسهڭ: ديباجهده ديمش ايدڭ: كلمۀِ شهادتڭ ايكنجى كلامى، برنجيسنه شاهد و مشهوددر.
الجواب: نعم، أوت. معرفت اللّٰه دينيلن كعبۀِ كمالاته گيدن منهاجلرڭ أڭ مستقيم و أڭ متينى، صاحبِ مدينۀِ منوّره عليه السلامڭ ياپديغى طريقِ حديدِ بيضاسيدر كه؛ روحِ هدايت حكمنده اولان محمّد عليه السلام، عوالمِ غيبڭ مشكات و زجاجهسى حكمنده اولان قلبنڭ معكس و ترجمانى مقامنده اولان لسانِ صادقى، براهينِ صانعڭ أڭ صادق بر دليلِ ذىحيات و بر حجّتِ ناطقه و بر برهانِ فصيحدر. أوت هم ذاتى، هم لسانى برر برهانِ نيّردر. نعم، خلقت طرفندن ذاتِ محمّد برهانِ باهردر. حقيقت جانبندن