«شريعتده واردر: بر وقتده بش وقتڭ نمازى قيلينير. هم ده بر قوم واردر، ياتسو نمازلرينڭ وقتى بعض وقتده يوقدر. هم ده بر قوم واردر: گونش چوق گونلرده غروب و چوق گيجهلرده طلوع ايتمز؛ ناصل اوروج طوتهجقلر؟» هم ده إستفسار ايت كه: «شرطڭ تعريفِ شرعيسى اولان سائر أركانه مقارن اولان شيدر. ناصل نمازده شرط اولان إستقبالِ قبلهيه إنطباق ايدر. حالبوكه يالڭز قيام و يارى قعودده مقارنت واردر؟»
أمين اول، إمامِ شافعى مسئلۀِ اولٰى يى شرقدن و غربدن گچن دائرهنڭ مدوّريتيله تصوير ايدهجكدر. ايكنجى و اوچنجى مسئله يى دخى، جنوبدن شماله ممتد اولان دائرهنڭ مقوّسيتيله تطبيق ايدهجكدر. برهانِ عقلى گبى جواب ويرهجكدر. هم ده قبله مسئلهسنده دييهجك: «قبله و كعبه اويله بر عمودِ نورانيدر كه؛ سماواتى عرشه قدر طاقمش و نظم ايدوب كُرۀِ أرضڭ طبقاتنى فرشه قدر دهلهرك كائناتڭ منتظم بر عمودِ