أللرينه گچدى. باخصوص مدارس، بونڭ ايله إندراسه يوز طوتدى. بوڭا چارۀِ يگانه: دائرۀِ واحدهنڭ حكمنده اولان مدرّسلرى، دار الفنون گبى چوق دوائره تبديل و ترتيب ايتمكدر. تا هركس سَوقِ إنسانيسيله حقّنه گيتمكله، حكمتِ أزليهنڭ أمرِ معنويسنى، مَيلِ فطريسيله إمتثال ايدوب قاعدۀِ تقسيم الأعماله تطبيق ايديلسين.
تنبيه: علومِ مدارسڭ تدنّيسنه و مجراىِ طبيعيدن چويرلمسنه بر سببِ مهمّ بودر: علومِ آلِيه مقصودِ بِالذّات صيرهسنه گچديگندن، علومِ عاليه مهمل قالديغى گبى، لباسِ معنا حكمنده اولان عبارۀِ عربيهنڭ حلّى أذهانى ضبط ايدهرك، أصل مقصود اولان علم ايسه، تبعى قالمقله برابر عبارهلرى بر درجه مبذول اولان و سلسلۀِ تحصيله رسمًا گچن كتابلر؛ أوقات، أفكارى كندينه حصر ايدوب خارجه چيقماسنه ميدان ويرمهملريدر.
❊