خاتمه
بو اوچ قضيه حديثده جريانى گبى، آيتده ده جريان ايدر. زيرا عموميدر. فقط قضيۀِ اولٰىده بر فرقِ دقيق واردر. و بوندن باشقه بر كلامده چوق أحكامِ ضمنيه بولونور. فقط خصوصيدر. هر برى آيرى بر أصل، آيرى بر ثمرهسى اولابيلير.
تنبيه: إلتزامِ خلاف و تعصّبِ بارد و مَيل التفوّق و حسِّ طرفدارلق و وهمنى بر أصله إرجاع ايله كندينه عذر گوسترمك، آرزوسنه موافق اولان ضعيف شيلرى قوى گورمك و غيرڭ تنقيصيله كندى كمالنى گوسترمك و غيرى تكذيب ويا تضليل ايتمكله كندى صدق و إستقامتنى إعلان ايتمك گبى سفيل و سفلى أمرلرڭ منشئى اولان حبِّ نفس ايله بويله مقاملرده مغالطه ايدهرك چوق بهانهلر بولابيلير.
﴿وَ اِلَى اللهِ الْمُشْتَكٰى﴾