فِى الشَّخْصم» دير. غول يبانى گبى خرافاتى آرقهسنه طاقهرق، ديللرڭ دستانلرنده دونويور. أمثالنه دخى ميدان آچار.
أى حقيقتى چيپلاق گورمك ايستهين ذات!.. بو مقدّمهيه دقّت ايت؛ زيرا خرافاتڭ قپوسى بو يردن آچيلير. و بابِ تحقيق دخى بونڭ ايله سدّ اولور. هم ده قصّهدن حصّه و مَيل الترقّيله متقدّمينڭ أساسلرى اوزرينه بناء و سلفلرڭ موروثاتنده تصرّف و زيادهيه جسارت بو شورستانده محو اولور. أگر ايسترسهڭ مشهور منلا ناصر الدّين أفندىيه دى: «بو غريب سوزلر عمومًا سنڭ ميدر؟» ألبته سڭا دييهجكدر: «شو سوزلر جلدلرى طولديرييور. أپيجه عمر ايستر. زيرا بتون سوزلرم نوادردن دگلدر. بن خواجه يم، اونلرڭ زكاتنى ده بڭا ويرسهلر راضى يم و كافيدر. فضلهسنى ايستهمم. زيرا ظرافتمى طبيعيلكدن چيقاروب تصنّعه قلب ايدر.» ياهو، بو كوكدن خرافات و موضوعات بيتر و تنبّت ايدر و طوغرى شيئڭ قوّتنى بيتيرر.