دگل. بلكه فرضا طوغرى اولسهلر ايدى، ماصدق و أفرادندن اولمالرى ممكن اولديغندن؛ سوءِ إختيارلريله باشقه بر مأخذى بولميان ويا عطفِ نظر ايتمهين ظاهرپرستلر، بعض آيات و أحاديثى او حكاياتِ إسرائيليهيه تطبيق ايدهرك تفسير أيلديلر. حالبوكه قرآنى تفسير ايدهجك، ينه قرآن و حديثِ صحيحدر. يوقسه أحكامى منسوخ اولديغى گبى، قصصى دخى محرّفه اولان إنجيل و تورات دگلدر. أوت ماصدق ايله معنا آيريدرلر. حالبوكه ماصدق اولميه ممكن اولان شى، معنا يرينه إقامه اولوندى. چوق ده إمكانات وقوعاته قاريشديريلدى.
هم ده وقتا حكمتِ يونانيه يى مسلمان ايتمك ايچون مأمونڭ عصرنده ترجمه اولوندى. فقط پك چوق أساطير و خرافاتڭ منبعندن چيقان او حكمت، بر درجه متعفّنه اولديغندن صافيه اولان أفكارِ عربڭ