ايسه ده اولور. زيرا مقصد، بيانِ إنتظامدر. أساليبِ عربده اولديغى گبى تبعى ايسه ويا ذاتى ايسه، نظامڭ نقطۀِ نظرنده بردر.
ثانيًا: شمس مستقرّنده، محورى اوزرنده متحرّك اولديغندن، او أريمش آلتون گبى أجزالرى دخى جريان ايدييور. بو حركۀِ حقيقيه أوّلكى حركۀِ مجازيهنڭ دانهسيدر، بلكه زنبرگيدر.
ثالثًا: شمسڭ مستقرّى دينيلن تختروانيله و سيّارات دينيلن عساكرِ سيّارهسيله گوچوب صحراىِ عالمده سير و سفرى، مقتضاىِ حكمت گورونويور. زيرا قدرتِ إلٰهيه هر شيئى حىّ و متحرّك قيلمشدر و سكونِ مطلق ايله هيچ بر شيئى محكوم ايتمهمشدر. موتڭ برادرى و عدمڭ عمِّ زادهسى اولان عطالتِ مطلق ايله، رحمتى بيراقمامش كه قيد ايديلسين. اويله ايسه شمس ده حرّدر. قانونِ إلٰهىيه إطاعت ايتمك شرطيله سربستدر، گزهبيلير. فقط باشقهسنڭ حرّيتنى بوزمامق