دنياسى غايت عظيم اولديغندن ذو العجائب اولان «قاف»ى إستيعاب ايدهبيلير. فقط أيّامِ إلٰهيه ايله بش يوز سنه بزم كرهدن اوزاق اولمقله برابر موجِ مكفوف اولان سمايه تماس ايتمك، إمكانِ عقليدن خارج دگلدر. زيرا «قاف» سماء گبى شفّاف و غيرِ مرئى اولمق جائزدر.
و رابعًا: نهدن جائز اولماسين كه «قاف» ، دائرۀِ اُفقدن تجلّى ايدن سلسلۀِ أعظمدن عبارت اوله... ناصل اُفقڭ إسمى ده «قاف»ه مأخذ اولابيلير. زيرا دوائرِ متداخله گبى نرهيه باقيليرسه، سلسلهلردن بر دائره گورولور. گيده گيده نظر قالير، خياله تسليم ايدر. النهايت خيال ايسه سلاسلِ جبالدن بر دائرۀِ محيطى تخيّل ايدر كه، سمانڭ أطرافنه تماس ايدييور. كرويت سرّيله، بش يوز سنه ده اوزاق اولورسه ينه متّصل گورونور.