إنتشار ايدوب.. اويله فروعات كه؛ ميوهلرى سعادتِ داريْندر. و بزى قرآنِ معجز ايله إرشاد أيلهمش...
اويله كتاب كه: قاعدهلرى ايله خلقتِ عالمڭ كتابندن دستِ قدر و قلمِ حكمت ايله مكتوب و جارى اولان قوانينِ عميقۀِ دقيقۀِ إلٰهيه يى إظهار ايتديگندن؛ أحكامِ عادلانهسيله نوعِ بشرڭ نظام و موازنت و ترقّيسنه كفيلِ مطلق و استادِ كلّ اولمشدر.
صلواتِ بىنهايه، اول سرورِ كائنات و فخرِ عالمه هديه اولسون كه: عالم، أنواع و أجناسيله اونڭ رسالتنه شهادت و معجزهلرينه دلالت و خزينۀِ غيبدن گتيرديگى متاعِ عالىيه دلاّللق ايدييور. گويا عالمه تشريف ايتديگندن هر بر نوع، كندى لسانِ مخصوصيله آلقيشلاديغى گبى؛ سلطانِ أزل، زمين و آسمانڭ أوتارينى إنطاق ايدوب هر بر تل باشقه لسان ايله معجزاتنڭ نغماتنى إنشاد ايتمكله، او صداىِ شيرين بو