أگر سؤال ايدرسهڭ: سنڭ بو تلاشڭ و علومِ متعارفه حكمنه گچن شيلره برهان گتيرمگه نه لزوم واردر؟ زيرا تلاحقِ أفكار و تجاربڭ كشفياتيله ميدانِ بداهته گلن مسائله برهان گتيرمك، معلومى إعلام ديمكدر...
جوابًا ديرم: مع التأسّف بنم ايله شو زمانڭ قطعهسنده إشتراك ايدن جملهسى؛ أگر چندان، صورةً اون اوچنجى عصرڭ أولاديدرلر، فقط فكر و ترقّى جهتيله قرونِ وسطىنڭ يادگارلريدرلر. گويا معاصرلريمز، اوچنجى عصرڭ نهايتندن اون اوچنجى عصره قدر گچمش اولان عصرلرڭ فهرستهسى وياخود أنموذجى وياخود ملز بر قَومدرلر. حتّى بو زمانڭ چوق بديهياتى، اونلرجه موهومات صاييلير.
❊ ❊ ❊