ايچون ألبته او حشمتلى و شعورسز عبوديتِ فطريهيى بيلهرك، شعوردارانه تمثيل ايدوب درگاهِ إلٰهيهيه تقديم ايتمك ايچون قرق بيڭ باشلى و هر باشى قرق بيڭ ديل ايله و هر بر ديل ايله قرق بيڭ تسبيحات ياپان بر مَلكِ مؤكّلى بولونهجق كه، عينِ حقيقت اولارق مخبرِ صادق خبر ويرمش. و خلقتِ كائناتڭ أڭ أهمّيتلى نتيجهسى اولان إنسانلرله مناسباتِ ربّانيهيى تبليغ و إظهار ايدن جبرائيل (عليه السلام) و ذىحيات عالمنده أڭ حشمتلى و أڭ دهشتلى اولان ديريلتمك و حيات ويرمك و ئولومله ترخيص ايتمكدهكى خالقه مخصوص اولان إجراآتِ إلٰهيهيى يالڭز تمثيل ايدوب عبوديتكارانه نظارت ايدن إسرافيل (عليه السلام) و عزرائيل (عليه السلام) و حيات دائرهسنده رحمتڭ أڭ جمعيتلى، أڭ گنيش، أڭ ذوقلى اولان رزقدهكى إحساناتِ رحمانيهيه نظارتله برابر شعورسز شكرلرى شعور ايله تمثيل ايدن ميكائيل (عليه السلام) گبى مَلكلرڭ پك عجيب ماهيتده اولارق بولونمالرى و وجودلرى و روحلرڭ بقالرى،