أللرينه ويرر. او دشمنلره قارشى ثبات ايتمهلرينه چوق شدّتلى أمرلر ويرر.
بو جوابدن، بردن پك بيوك بر حقيقتڭ اوجى و عظمتلى، دهشتلى بر مسئلهنڭ أساسى گوروندى. شويله كه:
ناصلكه جنّت بتون وجود عالملرينڭ محصولاتنى طاشييور و دنيانڭ يتيشديرديگى تخملرى باقيانه سنبللنديرييور، اويله ده؛ جهنّم دخى، حدسز دهشتلى عدم و هيچلك عالملرينڭ چوق أليم نتيجهلرينى گوسترمك ايچون او عدم محصولاتلرينى قاوورييور و او دهشتلى جهنّم فابريقهسى، سائر وظيفهلرى ايچنده، عالمِ وجود كائناتنى عالمِ عدم پيسلكلرندن تميزلتديرييور. بو دهشتلى مسئلهنڭ شيمديلك قپوسنى آچميهجغز. إن شاء اللّٰه صوڭره ايضاح ايديلهجك.
هم مَلكلره ايمان ميوهسندن بر جزئى و مُنكَر و نكيره عائد بر نمونهسى شودر: هركس گبى بن دخى محقّق