ايكنجى مسئلهنڭ خلاصهسى
رسالۀِ النوردن گنجلك رهبرينڭ گوزلجه ايضاح ايتديگى گبى، ئولوم او قدر قطعى و ظاهردر كه؛ بوگونڭ گيجهسى و بو گوزڭ قيشى گلمهسى گبى ئولوم باشمزه گلهجك. بو حپسخانه ناصلكه متماديًا چيقانلر و گيرنلر ايچون موقّت بر مسافرخانهدر. اويله ده: بو زمين يوزى دخى، عجله حركت ايدن قافلهلرڭ يوللرنده بر گيجهلك قونمق و گوچمك ايچون بر خاندر. هر بر شهرى يوز دفعه مزارستانه بوشالتان ئولوم، ألبته حياتدن زياده بر ايستديگى وار. ايشته بو دهشتلى حقيقتڭ معمّاسنى رسالۀِ النور حلّ و كشف ايتمش. بر قيصهجق خلاصهسى شودر:
مادام ئولوم ئولديرلمييور و قبر قپوسى قپانمييور؛ ألبته بو أجل جلاّدينڭ ألندن و قبر حپسِ منفردندن قورتولمق