زهره (*)
﴿بِسْمِ اللّٰهِ الرَّحْمٰنِ الرَّحٖيمِ﴾
مقدّمه
بو رسالهنڭ تأليفندن اون ايكى سنه أوّل (حاشيه) عنايتِ ربّانيه ايله، معرفتِ إلٰهيهده بر حركتِ فكريه و بر سياحتِ قلبيه و بر إنكشافاتِ روحيهده تظاهر ايدن بعض لمعاتِ توحيديهيى عربى اولارق نوطهلر صورتنده زهره، شعله، حبّه، شَمَّه، ذرّه، قطره گبى رسالهلرده قيد ايتمشدم. اوزون بر حقيقتڭ يالڭز بر اوجنى گوسترمك و پارلاق بر نورڭ يالڭز بر شعاعنى إرائه ايتمك طرزنده يازيلديغندن، يالڭز كندى كنديمه برر خاطره و برر إخطار شكلنده اولديغندن، باشقهلرينڭ
____
(*): بو زهره رسالهسى مثنوئِ عربينڭ چوق مهمّ بر رسالهسيدر. هر نه قدر ترجمه ايتمگه چاليشمش ايسهم ده، مؤلّفڭ وقتيله نور شاكردلرينڭ رجاكارانه إصرارلرى اوزرينه ياپديغى ترجمهيى عينًا درج ايتمگى داها مناسب گوردم. رسالۀِ نورڭ اون يدنجى لمعهسى نامنى آلان بو رساله ايله عربى زهره آراسنده، بر إجمال تفصيل و تقديم تأخير فرقى واردر.
مترجم
عبد المجيد
(حاشيه): اون ايكى سنه أوّل دينيلن تاريخ؛ هجرى ١٣٤٠، ميلادى ١٩٢١ سنهلريدر.
ناشر