قرآن ايسه، بزه عصاىِ موسى گبى بر حقيقت ويرمشدر كه؛ نرهده اولسهم، حتّى طاش اوزرنده ده بولونسهم، عصايى وورويورم، ماء الحيات فيشقيرييور. عالمڭ خارجنه گيدهرك اوزون سفرلره و صو بورولرينڭ قيريلمامسى و پارچهلانمامسى ايچون محافظهيه محتاج اولمايورم. أوت
﴿وَفٖى كُلِّ شَىْءٍ لَهُ اٰيَةٌ تَدُلُّ عَلٰى اَنَّهُ وَاحِدٌ﴾
بيتيله، بو حقيقت حقيقتيله تبارز ايدر. (*)
رمز
آرقداش! نفسڭ وجودنده بر كورلك واردر. او كورلك وجودنده ذرّه مثقال قالدقجه حقيقت گونشنڭ گورونمسنه مانع بر حجاب اولور. أوت مشاهدهمله ثابتدر كه؛ قطعى، يقينى برهانلر ايله دليللر طولو اولان بيوك بر قلعهده، كوچك بر طاشده بر ضعفيت گورونورسه، او كور اولاسى نفس او قلعهيى تمامًا إنكار ايدر. آلتنى اوستنه چويرر. ايشته نفسڭ جهالتى، حماقتى، بو گبى إنصافسزجه تخريباتدن آڭلاشيلير.
رمز
أى إنسان! سنڭ وجوديڭڭ ساحهسنده ياپيلان فعللر و ايشلردن سنڭ يدِ إختيارڭده بولونان، آنجق بيڭده بر نسبتندهدر. باقى قالان مالك الملكه عائددر. بناءً عليه كندى قوّتڭه گوره يوك آل. يوقسه آلتنده أزيليرسڭ. قيل قدر بر شعور
___
(*) إخطار: قرآنڭ دلالتيله بولديغم يوله گيتمك ايستهين ايچون و اوڭا او يولى گوزلجه تعريف ايتمك ايچون، «رسالۀ نور كلّياتى» گوزل بر تعريفجيدر.