﴿اَزْوَىْ رَقْصَه اٰمَدْ جَذْبَه خَازٖى﴾
ايشته اوندندر كه؛ شو آغاجلر رقصه گلمش، جذبه ايستهيورلر.
﴿اَزٖينْ اٰثَارِ رَحْمَتْ يَافْتْ هَرْ حَىْ دَرْسِ تَسْبٖيحُ نَمَازٖى﴾
شو رحمتِ إلٰهيهنڭ آثاريلهدر كه؛ هر ذىحيات، كندينه مخصوص تسبيح و نمازڭ درسنى آلييورلر.
﴿اٖيسْتَادَسْتْ هَرْ يَكٖى بَرْ سَنْگِ بَالَا سَرْفِرَازٖى﴾
درس آلدقدن صوڭره، هر بر آغاج يوكسك بر طاش اوستنده عرشه باشنى قالديروب طورمشلر.
﴿دِرَازْ كَرْدَسْتْ دَسْتْهَارَا بَدَرْگَاهِ اِلٰهٖى هَمْ چُو شَهْبَازٖى﴾
هر بريسى، يوزلر أللرينى شهبازِ قلندر (حاشيه ١) گبى درگاهِ إلٰهىيه اوزاتوب محتشم بر عبادت وضعيتنى آلمشلر.
(بِجُنْبٖيدَسْتْ زُلْفْهَارَا بَشَوْقْ اَنْگٖيزِ شَهْنَازٖى) (حاشيه ٢)
اويناتديرييورلر زلفوارى كوچك داللرينى و اونڭله، تماشا ايدنلره ده لطيف شوقلرينى و علوى ذوقلرينى إخطار ايدييورلر.
___
(حاشيه ١): شهبازِ قلندر، مشهور بر قهرماندر كه، شيخِ گيلانىنڭ إرشاديله درگاهِ إلٰهىيه إلتجا ايدوب مرتبۀِ ولايته چيقمشدر.
(حاشيه ٢): شهنازِ چلكزى، قرق ئورمه صاچ ايله مشهور بر دنيا گوزليدر.