آلتنجى رساله اولان آلتنجى مسئله
﴿وَاتَّقُوا فِتْنَةً لَا تُصٖيبَنَّ الَّذٖينَ ظَلَمُوا مِنْكُمْ خَاصَّةً﴾
آيتنڭ مهمّ بر سرّينى وهّابيلرڭ حرمينِ شريفَيْنى إستيلالرى مناسبتيله تفسير نيّتيله وهّابيلرڭ ماهيتِ تاريخيهسيله وضعيتِ حاضرهلرينى و عالمِ إسلامه قارشى تأثيراتلرينى مختصر فقط أهمّيتلى بر صورتده «درت نكته» ايله بيان ايدر.
يدنجى رساله اولان يدنجى مسئله
﴿قُلْ بِفَضْلِ اللّٰهِ وَبِرَحْمَتِهٖ فَبِذٰلِكَ فَلْيَفْرَحُوا هُوَ خَيْرٌ مِمَّا يَجْمَعُونَ﴾
آيتنڭ، رسالۀِ نور و خادملرى حقّندهكى مهمّ بر سرّينى، «يدى إشارت» ناميله، يدى عنايتِ ربّانيهيى بيان ايدييور. و تحديثِ نعمت صورتنده بو عنايتِ سبعهنڭ إظهارينه، يدى معقول سببنى بيان ايدييور. بو عنايتِ سبعۀِ كلّيهنڭ خارقهلرينه إشارةً، كندى كندينه تأليف وقتنده ايكى صحيفهنڭ بتون سطرلرى باشلرنده يگرمى سكز ألف گلهرك، يگرمى سكزنجى مكتوبڭ مرتبهسنه توافق ايتديگنى، (حاشيه) تأليفدن بر زمان صوڭره مطّلع اولدق. بو عنايتِ سبعهيى اوقويان آدم، رسالۀِ نور أجزالرينڭ نه قدر أهمّيتلى و نظرِ عنايتِ إلٰهيهده بولونديغنى و حمايتِ ربّانيهده اولديغنى بيلهجك. بو يدى عنايت كلّيهدر، جزئياتلرى يتمشى گچر.
آخرنده، بر سرِّ عنايته عائد محرم بر سؤالڭ جوابى واردر. خاتمهسنده، عنايتِ سبعهدن برنجيسى اولان توافقاته گلن ويا گلمك إحتمالى اولان أوهامى غايت قطعى بر صورتده دفع ايدييور. او خاتمهنڭ آخرنده ده، اوچنجى نكتهده عنايتِ
___
(حاشيه): أصل نسخهسنه گورهدر.