إسناد ايديلسه، إمتناع درجه‌سنده بر صعوبت و مشكلات اولديغنى غايت گوزل و مقنع و مختصر بر صورتده بيانيله ايكى نكتۀِ مهمّۀِ إعجازيه‌يى تفسير ايدر.

دردنجى مكتوب:

﴿وَمَنْ يُؤْتَ الْحِكْمَةَ فَقَدْ اُوتِىَ خَيْرًا كَثٖيرًا﴾

آيتنڭ بر سرّى، رسالۀِ نور حقّنده تجلّى ايتديگنى بيان ايدر.

هم:

﴿دَرْ طَرٖيقِ نَقْشِبَنْدٖى لَازِمْ اٰمَدْ چَارْ تَرْكْ:

تَرْكِ دُنْيَا تَرْكِ عُقْبٰى تَرْكِ هَسْتٖى تَرْكِ تَرْكْ﴾

دستورينه مقابل، عجزمندى طريقنده پك مهمّ بر دستورى بيان ايدر.

هم

﴿اَفَلَمْ يَنْظُرُٓوا اِلَى السَّمَٓاءِ فَوْقَهُمْ كَيْفَ بَنَيْنَاهَا﴾

آيتنڭ بر سرّينى؛ شعره بڭزر فقط شعر اولميان، منتظم فقط منظوم اولميان، غايت پارلاق فقط خيال اولميان، ييلديزلرى قونوشديران بر ييلديزنامه ايله تفسير ايدر.

بشنجى مكتوب:

شريعتڭ بر خادمى و بر وسيله‌سى اولان طريقته منسوب بعض ذاتلرڭ، طريقته فضله أهمّيت ويروب اوڭا قناعت ايده‌رك، حقائقِ ايمانيه‌نڭ نشرنده تنبللك و لاقيدلق گوستردكلرى مناسبتيله يازيلمش. و ولايتڭ اوچ قسمنى بيان ايدوب، أڭ مهمّ طريقت اولان ولايتِ كبرا، سرِّ وراثتله سنّتِ سنيه‌يه إتّباع و نشرِ حقائقِ ايمانيه‌ده إهتمام اولديغنى إثبات ايدر. و طريقتلرڭ أڭ مهمّ غايه‌سى و فائده‌سى و منتهاسى اولان إنكشافِ حقائقِ ايمانيه، رسالۀِ