رهبر اولديغى إعتقادندهيم. بيليرسڭز كه: أگر ضلالت جهالتدن گلسه إزالهسى قولايدر. فقط ضلالت، فندن و علمدن گلسه، إزالهسى مشكلدر. أسكى زمانده ايكنجى قسم، بيڭده بر بولونويوردى. بولونانلردن آنجق بيڭدن برى إرشاد ايله يوله گلهبيليردى. چونكه اويلهلر كنديلرينى بگهنييورلر؛ هم بيلمييورلر، هم كنديلرينى بيلير ظن ايدييورلر. جنابِ حق شو زمانده، إعجازِ قرآنڭ معنوى لمعاتندن اولان معلوم سوزلرى، شو ضلالت زندقهسنه بر ترياق خاصيتنى ويرمش تصوّرندهيم.
اَلْبَاقٖى هُوَ الْبَاقٖى
سعيد النورسى
* * *