﴿بِسْمِ اللّٰهِ الرَّحْمٰنِ الرَّحٖيمِ﴾
﴿وَبِهٖ نَسْتَعٖينُ﴾
برنجى مكتوب
﴿بِاسْمِهٖ سُبْحَانَهُ وَاِنْ مِنْ شَىْءٍ اِلَّا يُسَبِّحُ بِحَمْدِهٖ﴾
درت سؤالڭ مختصر جوابيدر
برنجى سؤال:
حضرتِ خضر عليه السلام حياتده ميدر؟ حياتده ايسه نيچون بعض مهمّ علما حياتنى قبول ايتمييورلر؟
الجواب:
حياتدهدر، فقط مراتبِ حيات بشدر. او، ايكنجى مرتبهدهدر. بو سببدن بعض علما حياتنده شبهه ايتمشلر.
برنجى طبقۀِ حيات: بزم حياتمزدر كه، چوق قيدلرله مقيّددر.
ايكنجى طبقۀِ حيات: حضرتِ خضر و إلياس عليهما السلامڭ حياتلريدر كه، بر درجه سربستدر. يعنى بر وقتده پك چوق يرلرده بولونهبيليرلر. بزم گبى بشريت لوازماتيله دائمى مقيّد دگللردر. بعضًا ايستدكلرى وقت بزم گبى يرلر،