بشنجى لمعه (١)
﴿حَسْبُنَا اللّٰهُ وَنِعْمَ الْوَكٖيلُ﴾
آيتنڭ غايت مهمّ بر حقيقتنى اونبش مرتبه ايله بيان ايدهجك بر رساله اولاجقدى. فقط حقيقت و علمدن زياده، ذكر و تفكّر ايله مناسبتدار اولديغندن شيمديلك تأخير ايديلدى. چندان اون برنجى لمعه اولان «مرقات السنّت و ترياق مرض البدعه» نامندهكى غايت مهمّ بر رساله بشنجى لمعه ناميله بدايةً يازيلمشدى. فقط او رساله، اون بر نكتۀِ مهمّهيه إنقسام ايتديگندن اون برنجى لمعهيه گيردى. بشنجى لمعه آچيقده قالدى.
* * *
آلتنجى لمعه (٢)
﴿لَا حَوْلَ وَلَا قُوَّةَ اِلَّا بِاللّٰهِ الْعَلِىِّ الْعَظٖيمِ﴾
جملهسنڭ إفاده ايتديگى چوق آياتڭ مهمّ حقيقتنى ينه اونبش يگرمى مرتبۀِ فكريه ايله بيان ايدهجك بر رساله اولاجقدى. بو لمعه ده، بشنجى لمعه گبى، نفسمده حسّ ايتديگم و حركاتِ روحيهمده ذكر و تفكّرله مشاهده ايتديگم مرتبهلر اولديغندن، علم و حقيقتدن زياده ذوق و حاله مدار اولمق جهتيله، حقيقت لمعهلرى ايچنده دگل، بلكه آخرلرنده يازيلماسى مناسب گورولدى.
* * *
___
(١-٢): حضرتِ استاديمز يگرمى طوقوزنجى عربى لمعهنڭ آلتنجى بابنڭ حاشيهسنده بو ايكى جمله حقّنده: «بو ايكى مبارك كلامڭ مراتبى، علمدن زياده فكر و ذكر اولديغندن، عربى ذكر ايديلدى...» دييه بيانده بولونمقدهدر.
حضرتِ استادڭ خدمتكارلرى