اوچنجى سوز

﴿بِسْمِ اللّٰهِ الرَّحْمٰنِ الرَّحٖيمِ ۞ يَٓا اَيُّهَا النَّاسُ اعْبُدُوا﴾

عبادت، نه بيوك بر تجارت و سعادت؛ فسق و سفاهت، نه بيوك بر خسارت و هلاكت اولديغنى آڭلامق ايسترسه‌ڭ، شو تمثيلى حكايه‌جگه باق، ديڭله:

بر وقت ايكى عسكر، اوزاق بر شهره گيتمك ايچون أمر آلييورلر. برابر گيدرلر؛ تا، يول ايكيله‌شير. بر آدم اوراده بولونور، اونلره دير: «شو صاغده‌كى يول، هيچ ضررى اولمامقله برابر، اونده گيدن يولجيلردن اوندن طوقوزى بيوك كار و راحت گورور. صولده‌كى يول ايسه، منفعتى اولمامقله برابر، اون يولجيسندن