ميدانه گلمشدر. مثلا: إنسان أڭ منتخب شيلرى ايستر، أڭ گوزل شيلره مَيل ايدر، زينتلى شيلرى آرزو ايدر، إنسانيته لايق بر معيشت و بر شرفله ياشامق ايستر.
شو مَيللرڭ إقتضاسى اوزرينه ييهجك، گيهجك و سائر حاجتلرينى، ايستديگى گبى گوزل بر شكلده تداركنده چوق صنعتلره إحتياجى واردر. او صنعتلره وقوفى اولماديغندن، أبناىِ جنسيله تشريكِ مساعى ايتمگه مجبور اولور كه؛ هر بريسى، ثمرۀِ سعييله آرقداشنه مبادله صورتيله يارديمده بولونسون و بو سايهده إحتياجلرينى تسويه ايدهبيلسينلر.
فقط إنساندهكى قوّۀِ شهويه، قوّۀِ غضبيه، قوّۀِ عقليه صانع طرفندن تحديد ايديلمهديگندن و إنسانڭ جزءِ إختياريسيله ترقّيسنى تأمين ايتمك ايچون بو قوّتلر باشى بوش بيراقيلديغندن، معاملاتده ظلم و تجاوزلر وقوعه گلير. بو تجاوزلرى ئوڭلهمك ايچون، جماعتِ إنسانيه چاليشمالرينڭ ثمرهلرينى مبادله ايتمكده عدالته