اولدقلرى بزه يارديمى ياپمهيوب، بِالعكس ياڭليش آڭلامسنه بناءً، رسالۀِ النورڭ خدمتنه فتور ويرهجك بر طرزده، موقعِ إجتماعيهلرينڭ أهمّيتنه إستنادًا إعتراض ايتمشلر. بر حقيقته دائر بياناته إعتراض ايتمشلر.
بن بيلمهيورم هانگى مسئلهدر، هانگى آيته دائردر. اولسه اولسه، غايت محرم قسمندن اولان برنجى شعاع نامنده إشاراتِ قرآنيهدن بر مسئلهيه دائر اولاجقدر. بو عاجز قارداشڭز، هم او أسكى دوست ذاته هم أهلِ دقّته و سزلره بيان ايدييورم كه:
قرآنِ معجز البيانڭ فيضيله يڭى سعيد حقائقِ ايمانيهيه دائر او درجه منطقجه و حقيقتجه برهانلر ذكر ايدييور كه دگل مسلمان علماسى، بلكه أڭ معنّد آوروپا فيلسوفلرينى ده تسليمه مجبور ايدييور و ايتمكدهدر. امّا رسالۀِ النورڭ قيمت و أهمّيتنه إشارى و رمزى بر طرزده حضرتِ على (رض) و غوثِ أعظمڭ (قس) إخباراتى نوعندن، قرآنِ معجز البيانڭ دخى بو زمانده بر معجزۀِ معنويهسى اولان رسالۀِ النوره نظرِ دقّتى جلب ايتمهسنه معناىِ إشارى طبقهسندن رموز و ايمالرى، إعجازينڭ شأنندندر و او لسانِ غيبڭ بلاغتِ معجزهكارانهسنڭ مقتضاسيدر.
أوت أسكيشهر حپسخانهسنده دهشتلى بر زمانده و قدسى بر تسلّىيه پك چوق محتاج اولديغمز هنگامده، معنوى بر إخطارله: «رسالۀِ النورڭ مقبوليتنه دائر أسكى أوليالردن شاهد گتيرييورسڭ. حالبوكه (وَلَا رَطْبٍ وَلَا يَابِسٍ اِلَّا فٖى كِتَابٍ مُبٖينٍ) سرّيله أڭ زياده بو مسئلهده سوز صاحبى قرآندر. عجبا رسالۀِ النورى قرآن قبول ايدر مى؟ اوڭا نه نظرله باقييور؟» دينيلدى. او عجيب سؤال قارشيسنده بولوندم. بن ده قرآندن إستمداد أيلدم. بردن اوتوز اوچ آيتڭ معناىِ صريحنڭ تفرّعاتى نوعندهكى طبقاتدن معناىِ إشارى طبقهسنده و او معناىِ