اولماديغندن صاييليرلر) مقامِ جفريسى (١٢٥٦) تاريخنى گوسترمكله، بو عصرده و بو زماندهكى إسلاميتڭ إنخسافنى بر عصر أوّل إحضار ايدن مقدّماتنه باقهرق، (وَدَاعِيًا اِلَى اللّٰهِ) كلمهسى (١٩١) ايدهرك رسالۀِ النورڭ بر حقيقى إسمى اولان بديع الزمانڭ مقامِ جفريسى بولونان (١٩١) عددينه تام تامنه توافقله ايما ايدر كه؛ رسالۀِ النور دخى، او إنخساف ايچنده بر «داعئِ إلى اللّٰه» در.
(بِاِذْنِهٖ وَسِرَاجًا مُنٖيرًا) (حاشيه) و يالڭز (سِرَاجًا مُنٖيرًا) كلمهسى ايسه تام تامنه رسالۀِ النورڭ بر إسمى اولان «سراج النور»ه لفظًا و معنًا و جفرًا توافقله باقار. (مُنٖيرًا) دهكى (م، ى)، (اَلنُّورِ) دهكى شدّهلى «نون»ه مقابلدر. أوت إمامِ على (رض) كرامتِ غيبيهسنده رسالۀِ النوره «سراج النور» نامنى ويرمهسى، بو آيتڭ بو فقرهسندن ملهمدر دينيلهبيلير و چكينميهرك ديرز.
(وَبَشِّرِ الْمُؤْمِنٖينَ بِاَنَّ لَهُمْ مِنَ اللّٰهِ) جملهسى، شدّه صاييلمق جهتيله مقامِ جفريسيله (١٣٥٩) تاريخنى گوسترمكله بو عصريمزڭ تام بولونديغمز بو سنهسنه باقهرق أهلِ ايمانه بر بيوك إحسانى وار دييه معناىِ رمزيله خبر ويرييور. بز باقييورز، بو زمانده أڭ بيوك إحسان، ايمانى قورتارمقدر. و گورويورز، ايمانى خارقه
___
(حاشيه): (بِاِذْنِهٖ وَسِرَاجًا مُنٖيرًا) بيڭ اوچيوز اوتوز (١٣٣٠) ايدهرك رسالۀِ النورڭ فاتحهسى اولان إشارات الإعجاز تفسيرينڭ ظهورينه توافقى و (بِاِذْنِهٖ) دهكى ملفوظ «ى» صاييلسه بيڭ اوچيوز قرق (١٣٤٠) ايدوب، رسالۀِ النورڭ ظهورينه تطابقى و برنجى تنوين وقف اولماديغندن «نون» صاييلسه، بيڭ اوچيوز سكسان (١٣٨٠) ايدهرك رسالۀِ النورڭ او تاريخده إن شاء اللّٰه كُرۀِ أرضى ايشيقلانديرهجق بر سراجِ نورانى اولاجغنه بر رمزِ قرآنيدر.
رسالۀِ النور شاكردلرندن
تحسين