تقديره إحتياج واردر. شويله كه: (وَهُوَ عَلٰى كُلِّ شَىْءٍ قَدٖيرٌ) «اويله ايسه، بو بيوك أجرامڭ خالقى اودر.» (وَهُوَ بِكُلِّ شَىْءٍ عَلٖيمٌ) «اويله ايسه او أجرامدهكى صنعتى تنظيم، تحكيم ايدن اودر.»
إلصاقى إفاده ايدن (بِكُلِّ) كلمهسندهكى (ب) ؛ علمڭ، معلومدن إنفكاك و إنفصالنڭ ممكن اولماديغنه إشارتدر.
(كُلِّ) ، تعميمى إفاده ايدن بر أداتدر. بوراده إفاده ايتديگى تعميمدن هيچ بر شيئڭ، هيچ بر فردڭ تخصيصى و دائرۀِ شمولندن إخراجى يوقدر. بو إعتبارله (مَا مِنْ عَامٍ اِلَّا وَقَدْ خُصَّ مِنْهُ الْبَعْضُ) اولان قاعدۀِ كلّيهيى تخصيص ايدييور. چونكه كنديسى بو قاعدهنڭ شمولندن خارج قالمشدر.
(شَىْءٍ) : بو كلمه؛ واجب، ممكن، ممتنعه شاملدر.
(عَلٖيمٌ) : يعنى، ذاتى ايله علم آراسنده ضرورى، لزومى بر ثبوت واردر.
* * *