شو باغڭده، نفقهڭ ايچون ايشلهيورسڭ. أگر فرض نمازى ترك ايتسهڭ، بتون سعيڭ ثمرهسى، يالڭز دنيوى و أهمّيتسز و بركتسز بر نفقهيه منحصر قالير. أگر سن إستراحت و تنفّس وقتڭى، روحڭ راحتنه، قلبڭ تنفّسنه مدار اولان نمازه صرف ايتسهڭ؛ او وقت، بركتلى نفقۀِ دنيويه ايله برابر، سنڭ نفقۀِ اُخرويهڭه و زادِ آخرتڭه أهمّيتلى بر منبع اولان، ايكى معدنِ معنوى بولورسڭ:
برنجى معدن: بتون باغڭدهكى (حاشيه) يتيشديرديگڭ (چيچكلى اولسون، ميوهلى اولسون) هر نباتڭ، هر آغاجڭ تسبيحاتندن، گوزل بر نيّت ايله، بر حصّه آلييورسڭ.
ايكنجى معدن: هم بو باغدن چيقان محصولاتدن كيم يهسه (حيوان اولسون، إنسان اولسون؛ اينك
___
(حاشيه): بو مقام، بر باغده بر ذاته بر درسدر كه، بو طرز ايله بيان ايديلمش.