مدقّق بر قلب ايله، سورۀِ عَمَّ و (قُلِ اللّٰهُمَّ مَالِكَ الْمُلْكِ) آيتلرى گبى فرمانلرى ديڭله!..

اون ايكنجى نوطه: أى بو نوطه‌لرى ديڭله ين دوستلرم! بيليڭز كه؛ بن خلافِ عادت اولارق، گيزلمه‌سى لازم گلن ربّمه قارشى قلبمڭ تضرّع و نياز و مناجاتنى بعضًا يازديغمڭ سببى؛ ئولوم، ديلمى صوصديرديغى زمانلرده، ديلمه بدل كتابمڭ سويله‌مه‌سنڭ قبولنى رحمتِ إلٰهيه‌دن رجا ايتمكدر. أوت قيصه بر عمرده، حدسز گناهلريمه كفّارت اولاجق، موقّت لسانمڭ توبه و ندامتلرى كافى گلمييور. ثابت و بر درجه دائم اولان كتابڭ لسانى داها زياده او ايشه يارار. ايشته اون اوچ سنه (حاشيه) أوّل، دغدغه‌لى بر فورطنۀِ روحيه نتيجه‌سنده، أسكى سعيدڭ گولمه‌لرى، يڭى سعيدڭ آغلامالرينه إنقلاب ايده‌جگى هنگامده؛

___

(حاشيه): بو رساله‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌نك تاليفندن اون اوچ سنه اول.