أهلِ هدايتده ضعف وار، يا اونلرده بر حقيقت وار؟
الجواب: حاشا... نه اونلرده حقيقت وار، نه أهلِ حقده ضعف واردر. فقط مع التأسّف قاصر النظر محاكمهسز بر قسم عوام تردّده دوشوب وسوسه ايدييورلر، عقيدهلرينه خلل گلييور. چونكه دييورلر: «أگر أهلِ حقده تام حق و حقيقت اولسيدى، بو درجه مغلوبيت و ذلّت اولمامق گركدى. چونكه حقيقت قوّتليدر. (اَلْحَقُّ يَعْلُو وَلَا يُعْلٰى عَلَيْهِ) اولان قاعدۀِ أساسيه ايله، قوّت حقدهدر. أگر او أهلِ حقّه مقابل غالبانه گلن أهلِ ضلالتڭ حقيقى بر قوّتى و بر نقطۀِ إستنادى اولماسه ايدى بو درجه غالبيت و موفّقيت اولمامق لازم گلهجكدى؟»
الجواب: أهلِ حقّڭ مغلوبيتى قوّتسزلكدن، حقيقتسزلكدن گلمديگى، سابق إشارتلرله قطعى إثبات ايديلديگى گبى؛ أهلِ ضلالتڭ غلبهسى قوّتلرندن و إقتدارلرندن و نقطۀِ إستناد بولمالرندن گلمديگى، ينه او